CINEMATECA AMBULANTE

Con La Cinemateca Ambulante, Llaboral Cinemateca lleva´l cine a los conceyos asturianos medianos y pequeños, especialmente d´oriente y occidente. Concretamente, esti trimestre, van poder vese dellos de los meyores títulos del cine contemporaneu en Cabrales, Cangas de Onís, Cangas del Narcea, Castrillón, Colunga, Gozón, Langreo, Lena, Llanes, Mieres, Nava, Navia, Noreña, Piloña, Ribadedeva-Val de San Vicente, Ribadesella, Siero, Sobrescobio, Soto del Barco, Tineo, Valdés, Vegadeo y Villaviciosa.

La Cinemateca Ambulante facilita a les Cases de Cultura, en condiciones bien asequibles, programaciones cinematográfiques zarraes de cuatro a seis películes. Llaboral Cinemateca fai la xestión previa de tolos permisos y pagos d´exhibición con los distribuidores posesores de los derechos llegales de les películes.

La programación cinematográfica de Llaboral Cinemateca y La Cinemateca Ambulante ta coordinada por el Festival Internacional de Cine de Xixón (Divertia Xixón S.A.).