Profesionales y empreses
Cola mira de fomentar y promocionar el sector cinematográficu y audiovisual del Principáu y poner en contactu a los técnicos y profesionales de la industria audiovisual asturiana con empreses del sector de dientro y fuera de la nuestra comunidá, Llaboral Cinemateca dispón d´un directoriu online de profesionales y empreses del sector audiovisual con base n´Asturies.
Esta base de datos ta abierta, amás, a otres empreses de servicios auxiliares a los rodaxes como provisores locales d´equipamientu, tresporte, agospedamientu, arriendu d’espacios o catering, ente otros. Los profesionales, tanto del sector audiovisual como del sector servicios, puen dase d´alta y xenerar un directoriu públicu con ferramientes de busca y filtriáu de datos p´aquelles empreses que busquen profesionales pa la realización de les sos obres audiovisuales.
* Esta base de datos compónse de profesionales y empreses, tanto del sector audiovisual como de servicios, asitiaos nel Principáu d’Asturies y con una vinculación directa col sector cinematográficu. Los datos equí rexistraos son apurríos y introducíos directamente polos profesionales y empreses, siendo polo tanto los únicos responsables de la veracidá de la información equí espuesta y de los servicios que pudieren dar. El Film Commission nun se responsabiliza de nengún dañu o perxuiciu sufríu pol consultante que se derive del accesu a esta base de datos o del usu d’información equí contenida.